På denne sida har eg forsøkt å gi eit oversyn over dei mest aktuelle plantene som blir brukte i produksjon av pyntegrønt. Utvalet er på ingen måte fullstendig. Nye materiale blir tatt i bruk, medan andre blir umoderne eller bruksmåtane endrar seg. Noen planteslag blir brukte i store mengder, andre meir tilfeldig etter kva som er for hand når dekorasjonane skal lagast. Ulike moteretningar betyr også ein del. Heldigvis svingar motane nokså sakte for dei varene det går mest av. Årlege motelune råkar helst materiale som blir brukte i mindre volum. Greier du å fange opp desse årlege lunene, kan du gjere det godt, men bransjen er vanskeleg å satse på sidan det er vrient å forsere dyrkingstida.

Lista er kanskje ikkje heilt oppdatert, men gir ein god peikepinn på kva som kan brukast.

Planter for juletreproduksjon

Tabellen er eit lite forsøk på å gi eit enkelt oversyn over tre som kan vere aktuelle i juletreproduksjon. Lista er på ingen måte meint å vere utfyllande. Skulle du ha andre erfaringar, tar vi gjerne i mot kommentarar.
Sonetala er sett delvis etter personleg skjønn. Lista blei utarbeidd i 2002, og bør kanskje oppdaterast med tanke på nyare planteslag og forsøk.

Det finst også andre treslag som blir brukte til juletre. Avhengig av moteretningar og lokale variasjonar.

Planter for produksjon av klippegrønt

Lista er ei oppramsing av ein del planter som blir omsett til dekorasjonsgrønt. Lista er på ingen måte uttømmande og er stort sett eit resultat av diverse kursnotat. Eg har ikkje tid og kunnskapar nok til å skrive utførleg om kvart planteslag, sjølv om eg kjenner noen av dei frå eigen åker. Kanskje noen føler kallet?

Ein del av plantene i denne lista har vist seg å ikkje slå heilt an som dekorasjonsmateriale av ulike grunnar. Noen har ikkje falle i smak hos kjøparane, andre veks for seint eller er problematiske å transportera. Pyntegrønt er ferskvare, noe ikkje alle butikkane har skjønt. Dermed blir bar o.l. som ikkje tåler butikkopphaldet også strokne frå omsetjingslista.

Skulle du ha noen av desse plantene i hagen din, kan dei vere eit godt utgangspunkt for vidare produksjon. I det minste viser dei kva som kan dyrkast der du bur. I tillegg har du eit godt materiale til eigne dekorasjonar!
Er du i tvil om noen av plantene, oppsøk ein planteskole, eit hagesenter eller eit pyntegrøntlag, eller bruk ein god flora.

Kjelder:

• Norsk institutt for skogforskning.
• Reiersøl planteskole A/S avd. Lyngdal (lagt ned, avd. i Froland aktiv.)
• Og sjølvsagt Mandal og Lister pyntegrøntlag sine fagfolk.