På desse sidene har eg brukt desse definisjonane:

I	Pyntegrønt: Alle slag materiale frå naturen brukt til pynt i alle former. Også juletre. Klippegrønt: Bar i hovudsak av gran, edelgran og sypress. Snittgrønt (dekorgrønt): Finare klippegrønt. Også kristtorn. Naturmateriale: Alt anna frå naturen brukt som dekorasjon, trerøtter, mose ...

I tillegg vil du nok også finne andre ord som ikkje er definerte i lista over. Språkbruken er med andre ord noe inkonsekvent.

Statens landbruksbank har i eit hefte i 1997 definert pyntegrønt til å omfatte:

II	Juletrær Klippegrønt Kvister til driving Innsamlet materiale fra naturen Blomster for tørking

Ellen Finne Grimsby, ein av pionerane og kapasitetane innan pyntegrønt, bruker helst litt andre definisjonar (skjematisert frå ein e-post til meg i 1999. Håper det er OK at eg bruker det, Ellen):

III

pyntegrønt: bar av gran og edelgran snittgrønt (dekorgrønt): finere dyrkete ting naturmaterialer: alt som vi sanker i skog og mark Juletre er her sett i ein eigen kategori, utanom pyntegrønt. Dette er ikkje uvanleg. Dei første pyntegrøntlaga hadde såleis gjerne både pyntegrønt og juletre i namnet sitt. Ein av forløparane til Mandal og Lister pyntegrøntlag heitte frå byrjinga av Vestre Vest-Agder juletre- og pyntegrøntlag.

Diskusjonen om definisjonane er nok ikkje slutt med dette. Det hadde vore svært greitt å fått eintydige, landsdekkande definisjonar, ikkje minst med tanke på marknadsføringa. Kven kan ordne dette? Bør fagmiljøa samordne dette, eller er det ei oppgåve for Norsk språkråd?